ہم تمھارے ساتھ کھڑے ہیں

کشمیر کے مظلومو

ہم تمھارے ساتھ کھڑے ہیں

کشمیر کے مظلومو

 ہم تمھارے ساتھ کھڑے ہیں

 بیٹی تمھاری اغوا ہو جائے

 بعد اس کے جو ریپ ہو جائے

ہم تمھارے ساتھ کھڑے ہیں

 جوان تمھارے مارے جائیں 

گھر تمھارے گرائے جائیں

 رستے سارے بند ہو جائیں 

اور گولیاں پہرےدار بنیں 

ہم تمھارے ساتھ کھڑے ہیں

ہاتھوں میں سبز حلالی پرچم

 جسم تمھارے لال ہوجائیں

روحوں کو جو زخمی کردیں

باتیں ایسی  ہزار ہوجائیں

ہم تمھارے ساتھ کھڑے ہیں

کیا احتجاج ہمارے دیکھے ہیں

کشمیر کے پرچم  تھامے ہیں

فوٹو سیشن خوب کروائے

اسٹیٹس بھی ہم نے ڈالے ہیں

کردیا جو کچھ کرنا تھا

تمھاری خاطر ہفتہ وار سہی

جنگ سے تو ہم ڈرتے نہیں

اس بار نہیں اگلی بار سہی

ستم گر چالیں چلانے لگیں

ظلم اور تھوڑا بڑھانے لگیں

دل مایوسی میں گھبرانے لگیں

ایسے میں تم گھبرانا نہیں

گھبرانا نہیں

گھبرانا نہیں

ہم تمھارے ساتھ کھڑے ہیں

ارشد کی یاد میں

ارشد محمود خان جدا سب سے ہوگیا
غم کی گھاٹیوں میں وہ ہم سے کھو گیا

ہر فرد کے دکھ درد میں غمگسار تھا
اوڑھ کے درد کی آج چادر وہ سو گیا

بہنوں کا راج دلارا اور بھائی کا مان تھا
بچوں کی عیش و آرام پر وہ قربان ہوگیا

رشتے اور رشتےداریاں کیسے نبھائیں ہم
اخلاص اور دوستی کے تقاضے سکھا گیا

چھلنی ہوا جگر، تیروں کی بچھاڑ سے سلیم
نہ کی شکایت کبھی، ستم سب کے سہہ گیا

سب روٹھ گئے کیوں جب سہارا ضرور تھا
واپس نہ کبھی آوں گا، مجھ سے یہ کہہ گیا

وہ پیکروفا وہ محبت کا دیوتا، جدا ہوگیا
غم کی گھاٹیوں میں کہیں ہم سے کھو گیا

ارشد محمود خان جدا سب سے ہوگیا






اللہ تعالی مرحوم کے درجات بلند فرمائے

ابلیسیت

کہا ابلیس نے اک دن اہل جہاں سے

میرا ذکرہرصحیفہ میں آیا
نظر میں کسی کو کبھی بھی نہ آیا 

میرا جسد و پیکر کہیں بھی نہیں ہے

پھر بھی یہیں ہوں...

میرا گھر ہیں بیمارومفلوج سوچیں 

شر اور برائی سے مغلوب سوچیں

وہیں کا مکیں ہوں...

تم سارے اپنے ہی دشمن بنے ہو

گندے نطفے سے تم سب جنے ہو

تمھاری کنکریوں سے میں نہ مروں گا

تم لڑتے ہو مجھ سے میں نہ لڑوں گا

یہاں وہاں نہیں میں... 

میں تو اندر کہیں ہوں

نہ باہر مجھے ڈھونڈو میں نہ ملوں گا

اگر چاہو ملنا , گریباں میں جھانکو

وہیں پر ملوں گا

یہ طاغوتی لشکر یہ جذبات سرکش

تمھارے ہی ہاتھوں کے ہیں پیدا کردہ

تمھارے یہ اعمال ہیں

میں نہیں ہوں

ظلم تم نے کئے الزام میں نے سہے

ظالم نہیں میں تو مظلوم ہوں

اپنوں کو اپنوں سے لڑایا تمھیں نے

طبقے بنائے, غربت پھیلائی

جو ہو سکا ظلم ڈھایا تمھیں نے

مگر نام تم نے میرا لگایا...

اپنے بد اعمال اور طورواطوار پر

جنت سے پہلے بھی نکالے گئے

 تم سے انعامات خالق نہ سنبھالے گئے

مگر الزام تم نے مجھ پر لگایا...

تم نے پیدا کیا جس کو اپنے ہی ہاتھوں

میں وہ تغریب ہوں

میں وہ عفریت ہوں

ناپاک سرکش اعمال تیرے 

جب تک ہیں زندہ میں بھی یہیں ہوں

تمھارے یہ اعمال ہیں میں نہیں ہوں

.....