Safe Internet Search : بچوں کیلئے محفوظ انٹرنیٹ سرچ

کمپیوٹر اور انٹرنیٹ اب گھربھر کے استعمال کی چیز بن چکے ہیں. گھر کے بڑوں کے علاوہ اب بچے بھی بڑھ چڑھ کر انٹرنیٹ کا استعمال کررہے ہیں. سکولوں میں کمپیوٹر کی تربیت کا احتمام بھی ہے اور گھروں میں 24 گھنٹے چلنے والا براڈبینڈ انٹرنیٹ بھی موجود ہے. ایسے میں بچے جب چاہیں کمپیوٹر پر انٹرنیٹ کا استعمال کر سکتے ہیں. والدین ہر وقت ان کی نگرانی کرنے سے قاصر نظر آتے ہیں. تو ایسے میں والدین کے کیلیے کچھ احتیاطی تدابیر کو اختیار کرنا ضروری ہے تاکہ بچوں کا تجسس ان کو کہیں غلط اور فحش ویب سائٹ تک نہ لے جائے. 

انٹرنیٹ کے استعمال کو بچوں کیلئے زیادہ محفوظ بنانے کا ایک طریقہ گوگل سرچ کو محفوظ بنانا ہے. مندرجہ ذیل طریقہ سے آپ گوگل پر حفاظت کا حصار بنا سکتے ہیں.

گوگل پر سرچ کو محفوظ بنانے کا طریقہ

گوگل سرچ لاک ایکٹیویٹ کرنے کیلئے آپ کو گوگل اکاونٹ حاصل کرنا ہوگا کیونکہ لاک لگانے کیلئے آپ کو اپنا ایمیل اور اس کا پاسورڈ استعمال کرنا ہوگا

 گوگل سرچ سائٹ پر جائیں اور وہاں آپ سیٹینگ کے آپشن کو دبائیں -

 سرچ سیٹنگ کا آپشن دبانے پر ایک مینو ظاہر ہوگا. اس میں سے سرچ سیٹنگ کے آپشن کو دبائیں -

 اب آپ کے سامنے ایک پیچ ظاہر ہوگا اس پر موجود پہلی آپشن سیف سرچ آپشن میں موجود لاک سیف سرچ کو دبائیں -

  اس کے  دبانے پر گوگل آپ سے آپ کا پاسورڈ پوچھے گا

 نئے پیج پر آپ دوبارہ سیف سرچ کا بٹن دبائیں گے. اب گوگل اپنی تمام ڈومینز کو آپ کی سیٹنگز آپ ڈیٹ کرے گا. 100 فیصد تک گنتی مکمل ہونے پر آپ کی سیٹنگز کارآمد ہو چکی ہیں.

اس کے بعد گوگل آپ کو ذیل میں موجود سکرین دکھائےگا جس کا مطلب ہے کہ آپ کا سیف لاک آن ہو چکا ہے.اس کے بعد اب کوئی بھی سرچ کریں گے سرچ کے نتائج والے پیچ پر آپ کو اوپر دائیں جانب رنگین گیند نظر آئیں گے

ضروری گزارشات

بچوں کیلئے محفوظ انٹرنیٹ کا مہیا کرنا والدین کی ذمہ داری ہے. محفوظ سرچ کا جو طریقہ آج میں نے درج کیا ہے یہ تو بس شروعاتی اقدام ہے. اگر آپ کی طرف سے مطالبہ ہوا تو میں مزید اقدامات بھی پوسٹ کرتا رہونگا. اس دوران آپ ایک بات کا دھیان رکھیں کہ انٹرنیٹ پر کوئی بھی لاک زیادہ دیر تک کار آمد نہیں ہو سکتا. اس کیلئے آپ کو چند دیگر باتوں کا بھی خیال رکھنا ہو گا جیسا کہ

بچوں کا کمپیوٹر کا میز دیوار کے ساتھ لگا ہو اور بچوں کی پشت ہمیشہ کمرے کے باہر کے دروازہ کی طرف ہونا چاہئے تاکہ جب بھی آپ کے پاس وقت ہو آپ اچانک ان کو وزٹ کر سکیں اور دور سے ہی آپ کو نظر آئے کہ کمپیوٹر سکرین پر کیا چل رہا ہے.

اس کے علاوہ آپ بچوں سے فحش ویب سائٹس کے بارے میں بات کر کے انھیں ان کی خرابیوں سے آشکار بھی کر سکتے ہیں تاکہ ان کے تجسس کو کسی حد تک مطمئن کرسکیں.


بلوگ پروزٹ کرنے کا شکریہ. آپ کی آراء کا منتظر رہوں گا.